Serokê Dewletên Yekbûyî yên Amerîkayê (DYA) Donald Trump îro diyar kir ku tengava Hurmuzê vekirî ye û got, bersiva Îranê pir sînordar bûye. Di heman demê de, Serokê Parlamentoya Îranê Mihemed Baqir Qalibaf sedema ewlehiya tengavê bi nebûna hêzên amerîkî li herêmê ve girê da.
Trump ji medyaya amerîkî re axivî û got, Îran naxwaze DYA‘yê bersiva êrişên wê bide û ev jî bi "Cewherê mijarê" bi nav kir.
Fermandarê Fermandariya Navendî ya Amerîkayê (CENTCOM) Brad Cooper diyar kir ku rêyên deryayî yên ku di asta navneteweyî de li tengava Hurmuzê têne naskirin, bê mayînîn deryayî yên Îranê bûne.
Cooper anî ziman ku hêzên Amerîkayê di mehên dawîn de alîkariya nêzîkî hezar û 500 keştiyên bazirganî kirine ku di tengavê re derbas bibin.
Her wiha da zanîn ku keştiyan bi qasî 750 milyon bermîl petrol veguhestin bazarên cîhanî.
Li gorî rayedarên amerîkî, her şev nêzîkî 20 heta 30 tankerên petrolê di tengavê re derbas dibin an ku bi qasî nîvê hejmara ku berî şer derbas dibûn.
Rayedarkî amerîkî diyar kir ku Îranê meha borî ji sedî 2 ji keştiyên ku di tengavê re derbas dibûn, armanc kirin, lê piraniya hewldanên wê yên din ên armancgirtina keştiyan bi ser neketin.
Serokê Parlamentoya Îranê Mihemed Baqir Qalîbaf nivîsek ku di 22‘ê tîrmehê de li ser X‘ê belavkiribû dîsa parve kir. Di nivîsê de wiha gotiye: "Li vê herêmê, eger em petrolê nefiroşin, kesek din nafiroşe.. Ewlehiya tengava Hurmuzê bi nebûna hêzên Amerîkayê ve girêdayî ye."
Her wiha destnîşan kir ku Tehranê berê jî hişyarî dabû ku rewşa li tengava Hurmuzê venagere rewşa berê."
Tev daxuyanî hemwextî aloziya domadar a der barê tevgera navîgasyonê de dewam dike.
Her wiha daneyên pêşîn, duh di roja pêncşemê de 7 keştiyên bazirganiyê di tengavê re derbas bûn, roja borî roja
çarşemê jî 17 keştî, di 10 rojên borî de bi qasî 15 keştî derbas bûne.
