Çend dîmen li ser tora civakî hatine belavkirin ku tê de, encama êrîşên Îsraîl-Amerîka yên giran li ser Bender Ebas, Germedare û Kerejê xuya dike.
Li gorî raporên herêmî, çend deverên parêzgeha Xuzistanê bûne armanca êrîşan.
Li Behbehanê sê êrîş û teqîn hatine ragihandin.
Her wiha li bajarên Omîdiye û Ramşîrê bi tevahî sê êrîş hatine tomarkirin.
Li Abadanê jî pênc cih û li Mahşehrê jî çar êrîş hatine ragihandin.
Çavkaniyên herêmî her wiha ragihandin ku li dora Ehwaz, Boşehr û Şîrazê jî êrîş hene.
2 Fermandarên Îranî hatin kuştin
Li aliyê din, Hêzên Lezgîn ê Parastina Îsraîlê ragihandin ku di êrîşeke asmanî ya hûr de li herêma Kirmaşanê, Mekrem Ezîmî, fermandarê yek ji yekîneyên mûşekî yên navendî li rojavayê Îranê, hate kuştin.
Ezîmî berpirsiyarê çalakiyên yekîneyê li herêma Kirmaşanê li rojavayê Îranê bû û bi dehan mûşekên balîstîk ber bi Îsraîlê ve avêtibû.
Îsraîlê eşkere kir ku di êrîşeke din de, hejmarek fermandarên tabûrê yên yekîneya mûşekên balîstîk, ku "berpirsiyarê avêtina bi dehan mûşekan bo Îsraîlê bûn" jî hatin kuştin.
Di heman çarçoveyê de, Îsraîlê ragihand ku Serhengê Pasdarên Îranê Ruhullah Mînaxanî jî di êrîşeke asmanî de li herêma Huseyniye Ezam a Zencanê hat kuştin.
