Parêzgarê Parêzgeha Hesekê Nûreddîn Ehmed, li avahiya parêzgehê, pêşwazî li rûspiyên eşîran kir.
Di civînê de cîgirê parêzgar Ehmed El Hîlalî û rêvebirê gerînendeteya Hêzên Ewlekariya Hundirîn ê herêma Hesekê Mehmûd El Elîş amade bûn.
Di civînê de giranî hate dayîn ser rewşa ewlehiyê ya dawî, guhdarîkirina li daxwaz û pêdiviyên welatiyan û peydakirina çareseriyên xizmetguzariyê.
Piştî civînê rûspiyên eşîran û kesayetiyên civakî daxuyaniyek da.
Di daxuyaniyê de girîngiya xurtkirina aştiya navxweyî û piştgiriya hewldanên bicihanîna daxwazên welatiyan hat vegotin.
