Nakokiyên di navbera Yekîtiya Niştîmanî ya Kurdistanê (YNK) û Partiya Demokrat a Kurdistanê (PDK) de xwedî dîrokeke dirêj in.
Car caran bûye sedema şer û alozîyên mezin di navbera aliyan de.
Destpêka nakokiyan û şerê navxweyî di navbera PDK û YNK'ê de
Piştî Raperîna di 1991`ê de, serhildana Kurdan a li dijî rejîma Beesê ya Îraqê û damezirandina herêmê, nakokiyên siyasî û kontrolkirina herêman di navbera YNK'Ê û PDK'ê de zêde bûn.
Di Gulana 1994`an de nakokî veguherîn şerekî çekdar ê berfireh.
Ev pevçûn rê li ber destwerdanên dewletên cîran vekir.
Di Tîrmeha 1996an de, hêzên Îranê bi YNK'ê re sînor derbas kirin.
Ev bûyer wekî "31'ê Tebaxê" di dîroka Başûrê Kurdistanê de cihekî biêş digire.
Sedemên nakokiyan di navbera PDK û YNK'ê de
Tevî ku şerê çekdarî qediya ye jî, nakokiyên siyasî û îdarî heta roja îro berdewam dikin.
Carinan rageşî bilind dibe, bi taybetî di mijarên avakirina hikûmetê, bûdceyê û peywirên bilind ên Îraqê de.
Xalên sereke yên nakokiyên di navbera PDK'Ê û YNK'Ê de wiha ne:
PDK: Hilbijartina parêzgar bi yekalî dibîne û daxwaza lihevkirina hemû aliyan dike.
YNK: Parêzgarê niha (Rêbwar Teha) wekî mafê xwe yê yasayî û serkeftina hilbijartinê dibîne.
PDK: Daxwaza cîbicîkirina "Peymana Şengalê" û derketina hêzên Şengalê dike.
YNK: Alîgiriya diyalog û nermbûnê li gel hêzên li ser erdê dike.
PDK: Daxwaz dike ku dahatên Silêmaniyê (Başmax û Perwîzxan) radestî xezîneyê bên kirin.
YNK: Daxwaza zelalîbûnê di dahatên Hewlêr û Dihokê (Îbrahîm Xelîl) û dabeşkirina wekhev de dike.
PDK: divê ev post li ser bingeha hejmara kursiyên herî zêde yên hilbijartinan bin.
YNK: Vê postê wekî pişka xwe ya dîrokî û parastina hevsengiya siyasî dibîne.
PDK dibêje: divê em hemû hêzan bixin bin yek fermandariyê û tenê serkirdayetiyek hebe.
Lê ji ber ku her du alî di siyasatê de baweriyê nadin hev, PDKê fikar dike ku YNKê wekî berê biryarên serbixwe bide, lewma pêvajoyê hêdî dimeşîne.
YNK dibêje: Ez amade me ku hêzên xwe bixim bin banê Wezareta Pêşmerge, lê bi şertekî: Divê maf, postên fermandariyê û taybetmendiyên sîstema hêzên me bên parastin.
YNKê naxwaze hemû kontrola leşkerî bikeve di destê Wezaretê de, ku niha di bin bandora PDKê de ye.
PDK: Guherandina kursiyên kotayê wekî destwerdana di mafên pêkhateyan (Tirkmen û Xirîstiyanan) de dinirxand.
YNK: Ji ber ku ev kursî her tim bûn piştgirê PDKê, ji bo parastina hevsengiyê daxwaza guherandina sîstema wan dike.
PDK: Parastina sîstemeke navendî ya bihêz di destê saziyên fermî yên Hewlêrê de dike.
YNK: Daxwaza sîstemeke nenavendî ya darayî û îdarî ji bo parêzgehan dike.
Hêjayê bi bîr xistinê ye ku Serokê Partiya Demokratîk a Kurdistanê Mesûd Barzanî di 26ê Gulanê de, bang li aliyên siyasî yên Başûrê Kurdistanê kiribû ku piştî cejnê dawiyê li rikberiya bê encam û xweferzkirinê bînin.
