Muhammed Salah di havîna 2017'an de ji tîma Roma ya Îtalî bi 42 milyon Euroyî tevlî Liverpoolê bû û di demek kurt de bû yek ji mezintirîn lîstikvanên dîroka klûbê.
Salah bi zêdetirî 250 golan di hemû pêşbirkan de di lîsteya golkarên herî baş ên Liverpoolê de di rêza sêyemîn de ye.
Sê caran Xelata Zêrîn a Premier League wergirtiye, û du caran jî wekî lîstikvanê herî baş ê lîgê hatiye hilbijartin.
Piraniya texmînan nîşan didin ku meqseda muhtemel Lîga Siûdî an Lîga Amerîkî (MLS) e, ku pêşniyarek darayî ya mezin li benda wî ye.
Ramy Abbas daxuyaniyên balkêş dan
Di derbarê vê mijarê de ajantê stêrkê Misrî Mohamed Salah Ramy Abbas hin daxuyaniyê balkêş da.
Ramy Abbas bi rêya hesabê xwe yê şexsî li ser platforma "X" got: "Em nizanin Mohamed Salah dê sezona bê li ku derê bilîze û ev tê vê wateyê ku kes nizane."
Abbas wiha bi dawî kir: "Ji kesên ku li navdariyê digerin û li baldariyê digerin haydar bin."
Ji bo xatirxwestina Salah şahiyeke mezin dê were li dar xistin
Taxima Liverpool FC ragihand ku ew ê ji bo bîranîna mîras û serkeftinên êrîşkarê xwe yê stêrk, Misrî Mohamed Salah, şahiyek mezin li dar bixe, piştî ku wî di dawiya sezona 2025-2026'an de ji Liverpoolê veqetiya.
Liverpoolê ki ser hesabê xwe yê Fermî yê Facebookê nivîsand û got:
"Mohamed Salah dê di dawiya sezona 2025-2026'an de perdeya pîşeya xwe ya birûmet bi Liverpoolê re bîne xwarê.
Dem dê were ku em mîrate û destkeftiyên xwe di dawiya vê salê de, dema ku Salah ji Anfieldê xatirxwestinê bike, bi tevahî pîroz bikin."
