Qedexeya alkolê li stadyumên Rûsyayê bi piştgiriya parlementoyê berdewam dike.
Di daxuyaniyekê de ku ji hêla RB Sport ve hatiye ragihandin Nikolai Valuev axivî û got:
"Ev biryar bi tevahî rast e, divê destûr neyê dayîn ku bîra li stadyuman were bikaranîn.
Min, ev helwest di demeke dirêj de diyar kiriye û min fikra xwe neguhertiye û naguherim jî ku qedexe, ne bê sedem e."
Berê, Cîgirê Yekem ê Serokê Komîteya Sporê ya Dûmaya Dewletê, Dmitry Svishchev, destnîşan kiribû ku Wezareta Tenduristiyê ya Rûsyayê di derbarê firotina bîrayê de, pêşnûmeqanûnek asteng kiriye.
Pêşnûmeqanûnê, armanc dikir ku firotina ji nû ve ya bîrayê li stadyuman destûr bide, bi hinceta ku ev yek dê bibe sedema zêdebûna belavbûna vexwarina alkolê di civakê de.
Hêjayî gotinê ye ku qedexeya firotina alkolê li tesîsên werzîşê li Rûsyayê ji sala 2005'an vir ve heye.
Tenê di dema Kûpaya Cîhanê ya 2018'an de bi awayekî demkî hate rakirin, beriya ku piştî bidawîbûna turnuvayê dîsa were sepandin.
