Berdevka Meclisa Jinan a Sosyalîst (SKM) Denîz Aktaş û endama Meclisa Partiyê ya ESP'ê Ebru Yîgît, di 20'ê sibata 2026'an de hatibûn girtin.
Meclisa Jinan a DEM Partiyê, têkildarî girtina endamên SKM'yê li pêşiya Girtîgeha Jinan a Bakirkoyê daxuyanî da.
Di daxuyaniyê de îşaret bi girîngiya piştevaniya bi girtiyan re hate nîşandan û hate gotin ku dê li dijî zextan serî netewînin.
Her wiha dirûşmeyên “Girtiyên siyasî rûmeta me ne”, “Bijî piştevaniya jinan”, “Jin, jiyan, azadî” û “Bila zindan bên hilweşandin ji girtiyan re azadî” hatin berzkirin.
'Em ê li dijî polîtîkayên zextê serî netewînin’
Di çalakiyê de hate gotin ku kesek nikare bi operasyonên siyasî pêşiya têkoşîna jinan bigire û ew ê serî li ber zextan netewînin.
Her wiha Hevberdevka HDK’ê Meral Daniş Beştaş jî anî ziman ku têkoşîna jinan polîtîkayên zextê nas nake û dê jin bi hevgirtinê têkoşîna xwe mezintir bikin.
Meral Daniş Beştaşê, bi bîr xist ku bi hezaran girtiyên siyasî hene, Deshilat ne kujerên jinan lê jinê têkoşer digire û bang li deshilatdaran kir ku peywira xwe bi cih bîne.
Meral Daniş Beştaşê, lê zêde kir û wiha anî ziman:
"Ev çar sal in ku Berdevka Meclisa Jinan a Sosyalîst SKM’ê Tanya Kara nikare tev li 8’ê Adarê bibe.
Em tundiya li ser jinan qebûl nakin, em bang li hemû jinan û LGBTÎ+'yan dikin dakevin qadên 8’ê Adarê. pêwiste hemu girtiyên siyasî yên ji jin bên berdan."
Li gorî daneyên herî dawî yên ji hêla Komeleya Civaka Sivîl a di Pergala Cezayê de (CİSST) ve hatiye weşandin; 19 hezar û 775 girtiyên jin di girtîgehan de hene.
