Li gundê Bektaşli yê navçeya Alapli ya Zonguldakê, bêtirî 70 karkerên demsalî û malbatên wan ên ku ji bo karkeriya findiqan ji navçeyên Cizîr û Silopiya yên Şirnexê çûbûn wir, di nava du rojan de du caran rastî êrîşên giran hatin.
Êrîşa yekem bi destwerdana cendermeyan hat sekinandin; lê dema karker êvarê ji zeviyê vedigeriyan, tevî ku tîmên cendermeyan li wir bûn jî, rê li ber êrîşa duyemîn nehat girtin. Li ser vê bûyerê, wekîlên DEM Partiyê yên Şirnexê bi Parêzgerê Zonguldakê û Qeymeqamiya Alapliyê re hevdîtin kirin û daxwaz kirin ku karker bi giştî bo cihekî ewle bên veguhastin.
Piştî van hewldanan, Serdozgeriya Komarê ya Alapliyê derbarê êrîşkaran de pêvajoya edlî û lêpirsîn da destpêkirin.
