Fermandariya Hêzên Parêzvanên Niştimanî ya Siwêdayê, di der barê rewşa 24 saetên dawî li herêmê de, daxuyaniyek weşand.
Di daxuyaniyê de hat diyarkirin ku, hêzên hikûmeta vegûhêz a Sûriyê ji duh sibehê ve heya berbanga îro, binpêkirinên sîstematîk li dijî şêniyên Siwêdayê pêk anîne.
Li gorî daxuyaniyê, di encama van binpêkirinan de, 7 kes hatine kuştin û 4 kes birîndar bûne û 19 kes jî hatine revandin.
Her wiha hate ragihandin ku, 3 kes li bajarokê Necranê di nava zeviyên çandiniyê de hatine kuştin, 12 sivîl li benda kontrolê ya bajarokê Metûnayê hatine girtin.
Li herêma di navbera bajarokên Beka û Berd de, 4 kes hatine kuştin û 7 jî hatine revandin.
Her wiha hat destnîşankirin ku bajarokê Bekayê bi 2 dronan hat bombebarankirin û yek ji wan hat xistin, di encamê de kesek birîndar bû.
Di daxuyaniyê de hat gotin ku, bajar bi mûşekên Grad hat hedefkirin, di encamê de malek şewitî û 3 jin birîndar bûn.
