Li Peymangeha Teknîkî ya Kurdistanê ya bajarê Silêmaniyê, bi beşdariya panelîst Rojnamevan Dr. Edalet Ebdullah, Siyasetmedar Ebûbekir Karwanî û Pispora Sîstema Siyasî Tara Umer ve panelek hat lidarxistin.
Tara Umer: Pêdivî bi demokratîkirina pergalê heye
Tara Umer di panelê de daxuyakirin ku ji bo afirandina pergalek demokratîk, pêdivî bi avahiyek demokratîk a civakî, siyasî, aborî û çandî heye.
Ebûbekir Karwanî: Desthilat bê qanûn li gor xwe tevdigere
Ebûbekir Karwanî jî da zanîn ku nebûna destûreke parlementoyê, dihêle ku desthilat li gor xwe tevbigerin û ev nirxandin kir:
“Ev 10 sale budçe nehatiye pêşkêşkirin bo parlemanê û destûr nehatiye dayîn ku kes çavdêriya hikûmetê bike, lewma bi êrkên xwe yên sereke ranabe.”
Edalet Ebdullah destnîşan kir ku ji ber sansûrê medya nikare di xurtkirin û pêşxistina jiyana demokratîk de rolê xwe bileyîze.