Duh, li Kremlinê di navbera Putin û nûnerên Trump de, civînek pêk hat.
Civîna di derbarê bidawîanîna şerê li Ûkraynayê de bû û civîn 5 seatan domand.
Lê rojekê piştî civînê Kremlin ragihand ku ji bo bidawîkirina şerê li Ûkraynayê, Rûsya û Amerîkayê nekarîn li ser peymanekê li hev bikin.
Hevdîtina li Moskova heta nîvê şevê di navbera Putin, Nûnerê Taybet ê Amerîkî Steve Witkoff û zavayê Trump Jared Kushner de berdewam kir.
Piştî hevdîtinê alîkarê sereke yê siyaseta derve yê Putin Yuri Ushakov wiha axivî:
"Em hîn negihîştine rêkeftinekê. Hîn gelek kar heye ku werin kirin."
Herçî Witkoff bû, piştî hevdîtinan çû balyozxaneya Amerîkî ya li Moskova da ku Qesra Spî li ser pêşveçûnê agahdar bike.
