Ev her 2 navçe di bin kontrola Hikûmeta Veguhêz a Sûriyê de ne, lê li gor agahiyên hatine bidestxistin, ji navçeyên cuda ên Dêra Zorê û Reqayê berê xwe dane bin konên şer.
Vedana konên şer li hember hebûna Hêzên Sûriya Demokratîk e û ew kesên ku ev kon vedane dibêjin ew dixwazin nasnameya Cizîrê erebî be û qebûl nakin Kurd xwedî biryar bin.
Siyasetmedarên Kurd li hember danîna konên şer ne razî ne
Li hember vê yekê, endamê polîtburo û berpirsê têkiliyên giştî yê Partiya Demokrat a Pêşverûya Kurd li Sûriyê Mîdas Azîzî da xuyakirin ku danîna konê şer û bikaranîna zimanê kîndariyê li hember Kurdan û êrîşkirina ser parêzgarê Hesekê, wê bandoreke neyênî li ser aştiya vê herêmê û li Sûriyê bi tevahî bike.
Mîdas Azîzî da zanîn ku ji bo parastina aştiya civakî divê ew kes bêne cezakirin yên ku zimanê kîndariyê bi kar tînin û hewl didin şer û nakokiyan gûrtir bikin.
