Li bajarê Hesekê agir bi Kargeha Paqijkirina Pembo ket. Di encamê de ziyanên madî çêbûn.
Li Hesekê, di seetên nîvro de, agirekî mezin li Kargeha Paqijkirina Pembo derket.
Agir bi tekerên plastîk ên li hewşa kargehê ket û komên pembo yên li hewşê da ber xwe.
Piştî vê, yekser tîmên agirkujiyê destwerdan kirin û gihîştin cihê şewatê.
Tîmên agirkujiyê bi hemû hewldanên xwe rê li ber belavbûna şewatê girtin û ew vemirandin.
Di encama şewatê de miqdarek mezin a pemboyê li hewşa kargehê şewitî.
Heta niha sedama agir nehatiye diyarkirin.
© 2026 – NÛÇE TV Hemû maf parastî ne. Nûçe Rastî ye