Mazlûm Ebdî û Mesûd Barzanî civiyan

Şêwirmendê Serokkomariya Sûriyê Mazlûm Ebdî yê ji bo tevlî Enstîtuya Lêkolînan a Rojhilata Navîn (MERI) bibe berê xwe dabû Hewlêrê, li Pîrmamê bi Serokê Partiya Demokratîk a Kurdistanê (PDK) Mesûd Barzanî re civiya.
Li gorî daxuyaniya Ofîsa Barzanî, di civînê de pêşketinên siyasî yên dawî yên li Sûriyê û herêmê, rewşa ewlekariyê hatiye nîqaşkirin.
Di civînê de ku lêgerînên çareseriyê ya li Sûriyê û mafê Kurdan a di Destûra Bingehîn de hat gotûbêjkirin ev agahî hat dayîn: “Di civînê de rewşa siyasî ya li Sûriyê û Herêmê, pêşketinên dema dawî hatin nîqaşkirin.
Her wiha siberoja Kurdan a li Sûriyê, rêveçûna pêvajoya diyalogê, çareserkirina pirsgirêkan a bi rêya aştiyane û hewldanên dîplomatîk ên ji bo aramiya welat hatin nirxandin.”