Medyaya Sûriyeyê ragihand ku li bajarê Idlibê yê bakurê rojavayê Sûriyeyê teqînek di cebilxaneyeke leşkerî de rû daye.
Li gorî agahiyên destpêkê di encama teqînê de 5 kesan jiyana xwe ji dest dan û bi dehan kes jî birîndar bûne.
Rêveberiya Operasyonên Lezgîn a Herêmî jî piştrast kir, di encama teqînê de hejmareke nediyar a kuştî û birîndar hene.
Heta niha sedema teqînê bi awayekî fermî nehatiye zanîn û sazî û dezgehên fermî yên hikûmeta Sûriyeyê jî derbarê bûyerê de ti daxuyanî û agahiyên fermî belav nekirine.