Navenda Çavdêriya Mafên Mirovan a Sûriyê (SOHR) ragihand ku duh di seatên êvarî de li gundên Enar û Hewaş ên Humsê komeke ku alên çeteyên DAIŞ’ê hildabûn, bi 13 motorsîklêtan geriyan.
Li gorî SOHR’ê dibe ku ev kom alîgirên hikumeta demkî ya Sûriyê be.
SOHR’ê da zanîn ku koma navborî li nêzî Dêra Mar Îlyas a li Hewaşê sekiniye ku xebatên danîna dara sersalê dihatin kirin.
Çavdêriya Mafên Mirovan a Sûriyê eşkere kir ku endamên komê dirûşmên "Ellahû Ekber" berz kirine û gotinên xirab kirine.
Hat ragihandin ku vê sibehê jî hewldan hatiye kirin ku şêniyên gundan bi zorê beşdarî meşên piştgiriya hikumeta demkî bibin, lê tevî zext û gefan jî şêniyan beşdarbûna meşan red kiriye.
