Li Fransayê, ku ev hefteyek e ji ber xwepêşandanên xwendekarên lîseyê diheje, tevgera "Êlek Zeran" wê di 17`ê cotmehê de li zêdetirî hezar cihan li seranserê welêt li dijî lêçûna jiyanê ya bilind û bilindbûna buhayê sotemeniyê xwepêşandanan li dar bixe.
Di vê rojê de, xwepêşanderên "Êlek Zeran" plan dikin ku li navendên bajêr, benzînxaneyan, îstasyonên trênê, benderan, piran û xaçerêyan xwepêşandanan li dar bixin.
Tê payîn ku xwendekarên ku nêzîkî mehekê ye li ber dibistanên navîn û zanîngehan ji bo baştirkirina şert û mercên perwerdehiyê kom bûne, tevlî xwepêşandanên êlekzeran bibin.
Li gorî raporên çapemeniya neteweyî, îstîxbarata Fransî texmîn dike ku di navbera 50,000 û 100,000 kes dê beşdarî xwepêşandanên li bajarên derveyî Parîsê bibin.
Tevgera "Êlek Zeran" di sala 2018an de li Fransa dest pê kiribû û di destpêkê de li dijî zêdekirina bihayê sotemeniyê û lêçûnên jiyanê derketibû qadan.
Piştre daxwazên wê berfirehtir bûn û bû sedema protestoyên mezin li gelek bajarên welêt.
