Firoşkarekî benîştê kurdî ye ku ev çend sal in karê firotina benîştê kurdî dike û behsa wê yekê dike ku benîştê kurdî tam û bîna xwe ya taybet heye.
Taybetmendiyên diyar ên benîştê kurdî (binêştê tal) ev in: xwezayîbûna tam, pêkhate, bîn û ew şêwazê çandî yê ku pê tê berhemandin.
Benîştê Kurdî berhemekî xwezayî û tenduristî yê kêmpeyda ye ku ji şîla dara qezwanê (darabên) li çiyayên bilind ên Başûrê Kurdistanê tê berhemandin.
Benîş di çanda kurdewariyê de dîrokeke wî ya kevin heye û ji ber nebûna madeyên kîmyewî û şekirê destkird, daxwazeke zêde li ser heye.
Rûnê benîştê Kurdî ji bo çareserkirina beşek ji kêşeyên çerm tê bikaranîn
Benîştê tal yan benîştê kurdî, tevî tama xwe ya hinekî tal, wek çareseriyeke xwezayî ji bo hinek nexweşiyan tê bikaranîn.
Rengê bingehîn ê benîştê kurdî zerekî hinekî zelal yan zerekî meylawî kesk e.
Pêkhateyeke gelekî hişk û lastîkî heye.
Di destpêka cûyînê de tameke hinekî tal heye (ji ber vê yekê jê re dibêjin binêştê tal), lê piştî çend xulekan (deqîqeyan) taliya wê namîne.
Beşek ji benîştê Kurdî ji bo derveyî Başûrê Kurdistanê tê şandin
Ji bo jihevveqetandina benîştê kurdî yê resen (eslî) ji benîştên teqlîd yan yên destkird ên li bazarê, tu dikarî piştê bi van ceribandin û nîşaneyên diyar girêbidî; ji wan:
ceribandina tam û taliya wê, hebûna pêkhateyeke gelekî hişk û pêtav (asê), û her wiha bîneke gelekî tûj û herêmî (taybet) heye ku bîna daristan û çiyayên Kurdistanê jê tê.
