Komîsyona Demokrasî, Xwîşk-Biratî û Hevgirtina Millî biryar da ku bi rojeva serdana Rêberê Gelê Kurd re bicive.
Niha jî raya giştî li bende ye ku di civîna roja înê de Komîsyon ji bo çûyina İmraliyê wê biryar bigre an na.
Piştî vê biryara girtina civînê, partiyên siyasî jî ketin nava hewldanan.
Beriya civîna Komîsyonê, bi rojeva serdana Îmraliyê DEM Partî, CHP û AKP îro cuda cuda civîn pêk anîn.
Desteya Rêveberiya Navendî ya DEM Partiyê bi serokatiya Hevserokên Giştî Tulay Hatîmogûllari û Tûncer Bakirhan li navenda xwe ya giştî ya li Enqereyê civiya.
Piştî civînê Berdevka Partiya DEMê Ayşegul Dogan di navbera Civîna Rêveberiya Navendî (MYK) a partiya xwe de daxuyanî da.
Dogan: Em bi ezmûna dîrokî re rû bi rûne
Dogan da diyakirin ku ew bi fermî ketine qonaxek nû û ew jî qonaxa duyemîn e û wiha domand:
"Em hemû bi ezmûna dîrokî re rû bi rûne.
Li hemû Tirkiye, li bersiva pirsa "Gelo divê Komîsyon biçe Îmraliyê?" tê gerandin.
Ev divê ne bi pirsek an pirsgirêkek. Ji ber ku tiştê ku mijara gotinê ye aşitî ye û mîmarê vê aşitiyê Ocalan e.
Rêya aştiyê di bîrxistina vê yekê de ye. Ev jî bi rûberî hev bûna vê yekê û naskirina vê rastiyê re derbas dare."
"Divê hesabên siyasî neyên kirin"
Ayşegul Dogan da zanîn ku divê hemû kes aqil, dil û wîcdanê xwe deynê holê biaxife û biryar bigre:
"Erkên dîrokî dekeve ser milê partiyên siyasî. Me di serî de got li şûna berjewendî bila fikir biaxifin. Hesabên siyasî an jî hesabên dengan, anketan neye kirin."
"CHP divê di refên pêş ê têkoşîna aşitiyê de be"
Berdevka DEMê bang li CHPê jî kir û ev got:
"Em bawer dikin ku tiştê ku li gorî partiya sereke ya muxalefetê ye ew e ku di refên pêş ê têkoşîna aşitiyê de be.
Wekî din, her daxuyaniyek ku ji bo înkarkirina mixatabiya siyasî ya Ocalan tê kirin, dê wekî bê siyasetbûn û tirsa ji aştiyê were fêm kirin."
Berdevka Partiya DEMê Ayşegul Dogan navên endamên komîteya Partiya DEMê yên ku dê biçin Îmraliyê jî eşkere kir.
Dogan got, "Gulistan Kılıç Koçyigit dê di komîteya ku dê biçe Îmraliyê de be."
Biryara Îmraliyê ya AKPê: Em ê bi awayekî erênî deng bidin
Endamên komîsyonê yên AKP’yî beriya civînê, li Meclîsê bi serokatiya serokê koma partiyê xwe Abdullah Guler civiya.
Guler piştî civînê axivî û got:
"Wekî partî, em û Tifaqa Cumhûr nêrîna xwe ya erênî li ser serdana Îmraliyê diyar dikin.
Ger dengdan hebe, em ê dengê erê bidin."
Di civîna CHPê de biryar derneket
Endamên komîsyonê yên CHPê jî beriya civîna Komîsyonê, li navenda giştî bi serokatiya Ozgur Ozel re civiyan.
Hate ragihandin ku wê biryara dawî sibê ji aliyê rêveberiya partiyê ve were dayîn.
