Li gorî daneyên Rêxistina Mafên Mirovan a Îranê (Iran Human Rights-IHR), li Îranê di tevahiya sala 2025’an de 1,500 kes hatine darvekirin.
Rêveberê IHR’ê Mehmûd Emîrî Muqedem ku navenda saziyê li Norwecê ye daxuyaniyek da AFP’ê û got:
"Tişta ku em bi awayekî tekez dizanin ew e ku hejmara darvekirinan ji 1,500’î derbas bûye.
Ev rekorek e. Ji dawiya salên 1980’î ve ye, ango zêdetirî sîh û pênc salan e hejmara herî bilind ev e.’’
Her wiha Emîrî Muqedem, diyar kir ku hê çend bûyerên darvekirinê yên nehatine piştraskirin jî hene.
Rêveberê IHR’ê, da zanîn ku dibe hejmara rastîn gelekî ji ya hatî eşkerekirin zêdetir be.
