Di çend wêneyên ku hatin belavkirin de, keştî li Tengava Cebelîtariqê tê dîtin ku Okyanusa Atlantîk digihîne Deryaya Spî.
Hat ragihandin ku ev yek beşek ji komkirina hêzeke mezin a Amerîkayê ya li herêmê ye.
Gerald Ford, duyemîn keştiya balafirhilgir e ku birêveberiya Trump di van hefteyên dawî de şandiye herêmê.
Serokê Amerîkayê Donald Trump, îro ragihand ku ew li ser êrîşkirina Îranê difikire.
Di hefteyên borî de jî, keştiya balafirhilgir a Abraham Lincoln û çend keştiyên pê re gihiştibûn sînorê avê yê Îranê yê li Deryaya Ereban.
Hêjayî gotinê ye ku Gerald Ford keştiya herî nû, herî bipêşketî û herî mezin a şer a Amerîkayê ye û lêçûna wê 13 milyar dolar e.
