Di pêşbirka futbolê ya herî bilind a Ewropayê de duh neh maç hatin lîstin.
Galatasaray serdana Monaco kir. Folarin Balogun di deqîqeya 68'emîn de gol avêt û Monaco 1-0 di Stadyûma xwe de bi serket.
Liverpool, ku di serdemeke dijwar re derbas dibû, di deqeya 88'emîn de bi gola penaltî ya Dominik Szoboszlai Inter 1-0 têk bir.
Lîstikvanê Tirkiyê Hakan Çalhanoglu yê ku di Interê de dilîst di deqîqeya 11'emîn de birîndar bû û ji lîstikê hat derxistin.
Bayern Munich, li Stadyûma xwe de bi taximê Sporting Lizbon re hat beramberî hev.
Gola yekem lîstikvanê Munich, Joshua Kimmich avêt qalê xwe û dûrê bi golên Serge Gnabry, Lennart Karl û Jonathan Tah encam guherand û Munich 3-1 bi ser ket.
Barcelona di 3 deqîqeyan de bi serket
Taximê Spanî Barcelona, piştî gola Ansgar Knauff, di 3 deqîqeyan de bi golên Jules Kounde 2-1 bi ser ket.
Lîstikvanê Fransî bû yekem lîstikvanê Barcelonayê ku di heman maçê de di Lîga Şampiyonên UEFA de du gol avêt.
Taxîmê Chelsea û Atalanta di haman seatê de hatin pêşberî hev.
Golên Atalanta Gianluca Scamacca û Charles De Ketelaere avêt û gola Chelsea jî lîstikvanê Brezîlyayê Joao Pedro avêt. Bi vê encamê Atalanta li hemberî Chelsea 2-1 bi serket.
Tottenham, ku li mala xwe mêvandariya nûnerê Slavia Pragê kir.
Bi golên David Zima, Mohammed Kudus (penaltî) û Xavi Simons (penaltiyê) Slavia Pragê 3-0 têk bir.
Efsaneya Tottenhamê ya Koreya Başûr Heung-Min Son, ku vê havînê derbasî taxima Lîga Futbolê ya Amerîkî MLS Los Angeles bû, berî maçê hate vexwendin qadê û xatir ji alîgirên xwe xwest.
Encamên maçên lîgê yên ku hatine lîstin wiha ne:
Kairat 0-1 Olympiakos
Bayern Münih 3-1 Sporting Lizbon
Atalanta 2-1 Chelsea
Monaco 1-0 Galatasaray
Union Saint-Gilloise 2-3 Marsilya
PSV 2-3 Atletico Madrid
Barcelona 2-1 Eintracht Frankfurt
Inter 0-1 Liverpool
Tottenham 3-0 Slavia Prag
