Li gorî daxuyaniya ku Serokkomarê Fransayê Emmanuel Macron li ser hesabê xwe ya “X” belavkir, diyar kir ku ew ê beriya maça nîvfînala Fransa-Spanyayê deqeyek rêzgirtin pêk bînin.
Macron da zanîn berî maça Fransa û Spanyayê ya Texasê were lîstin dê, deqeyek rêz were girtin û ji bo bersiva vê daxwazê spasiya Serokê FIFA’yê Gianni Infantino kir.
Dîroka maçê rastî salvegera 10'emîn a êrîşa li Niceê ya 14’ê Tîrmeha 2016'an hat.
Di dema pîrozbahiyên Roja Neteweyî ya Fransayê de, ajokarekî kamyonek ajot nav koma pîrozbahiyê, 85 kes kuştin û bi sedan kes jî birîndar kirin.
Maça di navbera Fransa û Spanyayê de, ku biryar e saet 22:00 dest pê bike, dê her du tîmên herî bihêz ên şampiyoniyê li hember hev bicivîn.
Her wiha vê carê maç dê bi kêliyek bêdengiyê û bîranîna qurbaniyên yek ji êrîşên herî trajîk ên dîroka Fransayê dest pê bike.
