Der barê pêvajoyê de heta niha Desthilata Tirkiyê gav neavêtiye.
Serokkomarê Tirkiyê Recep Tayyip Erdogan di dema vegera xwe de ji serdana xwe ya Kazaxistanê, di balafirê de bersiva pirsên rojnamevanan da.
Recep Tayyip Erdogan behsa rapora komîsyona parlamentoyê ya li ser pirsgirêka Kurd kir.
Erdogan bal kişand li ser pêvajoyê û got ku Kurd di 18 mehên borî de pêşveçûneke girîng bi dest xistine û astengî derbas kirine û wiha axivî:
"Hêzên me yên îstîxbaratê ji bo bilezkirina pêvajoya bêçekkirinê dixebitin.
Ew rastiyeke, ku her çend kesên ku ji destpêkê ve ji bo serkeftina pêvajoyê dua dikirin û hewildan kesên ku ji hêla wê ve têne aciz kirin jî hene.
Pêvajo tevî zehmetiyên xwe yên xwezayî jî bi pêş ketiye.
Em bi biryar in ku kesên ku 'Tirkiyeke bê teror' naxwazin, razî nekin.
Em bi biryar in ku fersendekê nedin wan.
Niyeta me baş e, û rêya me rast e."
Erdogan behsa rapora komîsyona parlamentoyê ya li ser pirsgirêka Kurd kir û got ku pêdivî ye ku nexşerê bi rêbazekî avaker û çareserker were bicihanîn.
Erdogan: Destûreke nû êdî ne luks e lê pêdivî ye
Erdogan di dawiyê de nîqaşên der barê destûra nû de anî ziman û wiha bi dawî kir:
"Destûreke nû êdî ne luks e, lê pêdivî ye.
Em vê mijarê li jora siyasetê dibînin û bi eşkereyî bang li partiyên siyasî dikin.
Em dibêjin, werin em hemû pêşdaraziyên siyasî bidin aliyekî.
Werin em bi hev re bixebitin, da ku metnekê ava bikin ku her beşek ji civakê dikare bêje, ev destûra min e."
