Beriya 2 rojan, li gundê Abidînê yê parêzgeha Derayê astengî li pêşiya derbasbûna artêşa Îsraîlê di nava gund de, derket.
Xelkê gund rê girtin û nehiştin ku artêşa Îsraîlê bikevin gundê wan.
Her wiha xelkê bi keviran êrîşî hêzên Îsraîlî kirin.
Paşê artêşa Îsraîlê bi top û helîkopteran êrîşî gund kir.
Hate ragihandin ku di êrîşên Îsraîlê cend kes ji welatiyên gund birîndar bûn.
Serokê Hikûmeta Veguhêz a Sûriyê Ehmed Şera li ser vê mijarê daxuyaniyek da.
Ehmed Şera hewldanên Îsraîlê yên ji bo bêîstîqrarkirina herêmên başûrê Sûriyê şermezar kir û ev lê zêde kir:
"Îsraîl niha careke din hewl dide ku axa me ya pîroz veguherîne qadeke tevlheviya bêdawî, dixwaze yekîtiya gelê me hilweşîne û şiyana me ya ji bo pêşveçûnê di pêvajoya ji nû ve avakirin û vejînê de qels bike.
Sûriye, ne qada ceribandina komployên biyanî ye û ne jî cihekî ji bo bicihanîna berjewendiyên din e."
Derveyî daxuyaniyan heta niha hêzên Hikûmeta Sûriyê ji bo başûrê Sûriyê ti tedbîrên ewlehî negirtine.
