Dijî terora Kurdistanê di daxuyaniyeke fermî de ragihand ku berbanga îro, 2'ê Îlona 2026'an, êrîşeke berfireh a dronên bombekirî li ser asmanê bajarê Hewlêrê hate pûçkirin. Li gorî hûrgiliyên ku di daxuyaniyê de hatine parvekirin, ev 10 dronên bombekirî di navbera saet 01:13 - 03:31 berbangê de ketine nav qada esmanî ya herêmê.
Hêzên hevpeymanan bi awayekî lezgîn mudaxele kirine û hemû dronên êrîşkar li asmanê bajêr hatine têkbirin û xistin xwarê. Dijî terora Kurdistanê derbarê encamên vê êrîşê de tekez kir ku ji ber pûçkirina van dronan tu ziyanên giyanî negihîştine welatiyan û tu ziyanên madî yên berçav jî li pey xwe nehiştiye.
