Kêlî bi kêlî bi tîma xwe ya fotbolê re ne.
Sînor û dûrbûn, ne pirsgirêk e, her alîgirik li cihê xwe maçên Kûpaya Cîhanê ya 2026`an dişopîne.
Alîgirên Fransayê serkeftina welatê xwe pîroz kirin
Li nêzîkî Parîsê, welatiyên Fransî li hev kom bûne, bi hev re maça tîma welatê xwe li hember Paragûayê temaşe dikirin.
Fransa li hemberî Paragûay bi ser ket
Li stadyumeke Philadelphia ya Amerîkayê tîma Fransayê ku bi navê tîma Dîkan tê naskirin, serkeftin bi dest xist, kêfxweşiya herî zêde li Parîsê û derdora wê hat jiyankirin.
Lê li nav Paragûay rewşeke cuda derket holê.
Li Paragûay bi xemgînî pêşwazî li encamê hat kirin
Berovajî wê kêfxweşiya li Parîsê, li vir li Asunsîyonê binketina tîma fotbolê li Philadelphiayê bû sedem ku şikestinek bê dîtin û nîv şînek hat girêdan.
Mexrib bi 3-0 Kanadayê têk bir
Mexirb jî ku bi navê Şêrên Atlasê tê naskirin, serkeftineke mezin li hember Kanadayê bi dest xist.
Tîma Mexribê 3 gol tomar kirin, lê Kanadayê nikarîbû golekê jî bîne.
Li Rebatê welatiyên Mexribê piştgirya xwe ji tîma xwe re nîşan dan û niha Mexrib xwe ji bo rûbirûba bi tîma Fransayê re di 9`ê vê mehê de amade dike.
Carinan di dema nîşandana kêfxweşiyê de, pirsgirêk jî derdikevin.
Li Hollandayê alozî derket
Li Hollandayê alîgirên tîma Mexribê daketin nav cade û kolnaên çend bajaran û di navbera wan û polîsan de alozî derket.
Her li Hollandayê komeke ji alîgirên Mexribê cilên Batman li xwe kiribûn, di nav dîmenên ahengê de.
Alîgirên Mexirbê ala Amazîxî jî bilind kirin
Ala Amazîxan jî hat dîtin, ku ew jî neteweyeke xwedî ziman û çanda xwe ya taybet e û xelkê resen ê Mexribê ne.
Êdî spor nakokiyên siyasî derbas dike û dema serkeftineke tê bidestxistin, her kes xwe xwediyê wê serkeftinê dibîne.
