Cîgirê Parêzgarê herêma Belgorodê ya Rûsyayê, Aleksandr Shuvayev, ragihand ku di encama êrîşeke mûşekî ya Ukraynayê de 6 kesan jiyana xwe ji dest dane û 4 kesên din jî birîndar bûne ku di nav wan de zarokekî 14 salî jî heye.
Li aliyê din, Parêzgarê herêma Khersonê Volodymyr Saldo diyar kir ku dronên Ukraynayê li nêzî herêma Druzhbivka rasterast wesayîteke sivîl kiriye hedef. Di vê êrîşê de du karsazên ku ber bi bajarê Melitopolê ve diçûn da ku ji bo firotgeha xwe kelûpêlan bikirin, di cih de jiyana xwe ji dest dan.
Rûsyayê Du Gund Kontrol Kirin û 3 Keştî hedef girtin
Wezareta Parastinê ya Rûsyayê di daxuyaniya xwe de eşkere kir ku hêzên wan gundê Kudiyivka li herêma Kharkivê û gundê Pervomayivka li herêma Donetskê bi tevahî xistine bin kontrola xwe. Her wiha hat ragihand ku di nav 24 saetan de 1390 leşkerên Ukraynayê ji qada şer hatine dûrxistin .
Li bendergeha Odesayê jî, artêşa Rûsyayê ragihand ku wan sê keştiyên barhilgir û du tankerên neftê yên ku ji aliyê hêzên Ukraynayê ve dihatin bikaranîn, kirine hedef û rûxandine.
Zêdetirî 200 Drone Hatin Xistin
Li gorî daxuyaniya Wezareta Parastinê ya Rûsyayê, pergalên berevaniya esmanî di nava şeva borî de rûbirûyî êrîşeke berfireh a dornan bûne. Di encamê de 205 dronên Ukraynayê li ser asmanê herêmên wekî Astrakhan, Belgorod, Bryansk, Voronezh, Kursk, Rostov û herêma Krîmeyê hatine tespîtkirin û rûxandin.
