Civîna Meclisa Partiyê ya Partiya Komarî ya Gel a ku dihat plankirin di 1'ê hezîranê de bê lidarxistin, hat derengxistin.
Rêveberiya partiyê sedema derengxistinê ya ku pêvajoya ragihandina fermî ya li ser erkdarkirina endamên Meclisa Partiyê bi dawî nebûye, nîşan da.
Di daxuyaniyê de hat gotin ku ji ber endamên Meclisa Partiyê heta niha der barê erkdarkirina xwe de ji saziya giştî ya peywendîdar agahî negirtine, roja civîna Meclisa Partiyê nehatiye diyarkirin.
Kemal Kılıçdaroglu, ku piştî betalkirina Kongreya Asayî ya 38emîn a CHPê wekî Serok hat tayînkirin, ji parlamenteran re têkildarî civîna meclisê nameyek şand.
Kemal Kiliçdaroglu: Bê erêkirina min çênabe civîna meclisê pêk bê
Kiliçdaroglu di nameyê de dibêje:
Hatiye fêmkirin ku di nav endamên komê de der barê roja Civata Giştî ya Koma CHP'ê ya Meclisa Mezin a Neteweyî ya Tirkiyê de pirs û dudilî hene.
Ez dixwazim hûn bizanin ku dîroka civîna Civata Giştî ya Koma CHP'ê ya Meclisa Mezin a Neteweyî ya Tirkiyê hîn ji hêla min ve nehatiye destnîşankirin.
Heta ku agahdariya pêwîst li ser van mijaran li gorî talîmatên min neyê dayîn, Civata Giştî ya Koma CHP'ê li Meclisa Mezin a Neteweyî ya Tirkiyê dê neyê lidarxistin."
Tê payîn ku Kiliçdaroglu ji nav endamên Meclisa Partiyê, Lijneya Rêveberiya Navendî ya nû diyar bike.
