Murat Çîçek di 25’ê hezîranê de li Japonyayê tev li qezayeke trafîkê dibe û piştre li navenda binçavkirinê tê ragirtin.
Balyozxaneya Tirkiyê ya li Japonyayê piştî mirina Çîçek, di 8’ê tîrmehê de agahî dabû malbatê.
Cenazeyê Çîçek roja 17’ê tîrmehê ji Japonyayê gihîşt Stenbolê û heman rojê jî şandibûn Wanê.
Otopsiya Murat Çîçek îro serê sibê li Wanê hat kirin û piştre ew birin Colemêrgê.
Cenaze li goristana Taxa Nû ya li navenda bajêr bi girseyî hat veşartin.
Parlamenterê DEM Partiyê yê Colemêrgê Vezîr Coşkûn Parlak, hevserok û rêveberên DEM Partî û DBP’ê û bi sedan welatî tev li merasîma cenazeyê bûn.
Ji bo Murat Çîçek, li mizgefta Taxa Nû şîn hat danîn û wê şîn 2 rojan bidome.
