Serokê Dadweriya Dewleta Îranê Xulam Huseyîn Muhsinî Êjeyî got ku "kesên ku bi dijmin re bûn, divê bedela hevaltiya bi wan re bidin, û divê milkên wan werin desteserkirin.
Dewleta Îranê bi berdewamî kesan bi tawanên sîxurtiya bi Îsraîl û Amerîkayê re binçav dike, bi taybetî kesên ku derketibûn xwepêşandanên meha çileyê.
Di axaftina xwe de ya bi dadweriyê re, Xulam Huseyîn Muhsinî Êjeyî wiha axivî:
"Bi qasî ku qanûn destûr dide û ferz dike, milkên hevkarên dijmin ên navxweyî û biyanî têne desteserkirin.
Eger Îraniyên li derveyî welêt bibînin ku welatê wan hatiye binpêkirin û niha dixwazin vegerin malên xwe, divê em pêşwaziya wan bikin.
Bêguman, ev li gorî karê wan e, û em ji bo hemûyan xalîçeya sor ranakin."
'Em ê di darizandin û cezakirina dijmin de xemsar nebin'
Li aliyekî din, Muhsinî Êjeyî got ku pergala dadweriyê bê guman dê di darizandin û cezakirina qanûnî de ya sûcdarê ku destên wî bi xwîna gelê me lekeyî ne, têk neçe û xemsar nebe.
Li gorî Ajansa Nûçeyan a Dadweriyê, Muhsinî Êjeyî wiha domand:
"Yek ji van daxwazan, darizandin û cezakirina bilez, rast û dadperwer a leşkerên dijmin ên êrîşkar e."
Amûra siyasî û propagandayê ya dijminê êrîşkar, dibêje ku flan sûcdar divê ji ber kiryarên xwe, neyê cezakirin û neyê darvekirin."
Serokê Dadweriya Îranê zêde kir ku ev pêvajo li saziya di bin desthilata wî de bi hêz berdewam dike.
Wî berdewam kir û got ku ew bala xwe nade gotarên kokbiriyan û dengweşên propagandaya wan.
