Piştî 7 salan ji qutbpûna ava Elok li ser bajarê Hesekê îro ji nû ve dikeve xizmetê.
Bi amadebûna şandeyeke fermî ya Parêzgariya Hesekê û aliyên peywendîdar, piştî 7 salan ji derketina ji xizmetê, stasyona avê ya Elokê ya li Serê Kaniyê îro careke din hat vekirin.
Ev gav bi armanca dayîna ava vexwarinê ji bo bajarê Hesekê û gundewarên wê hat avêtin.
Destpêkê bi awayekî tecrubeyî av ji bo bajarê Hesekê hat dayîn û ev hîn berdewam dike.
Piştî temamkirina xebatên çaksazî û sererastkirina xetên avê û amadekirina stasyonê, stasyon hat vekirin.
Bi xebitandina stasyona Elokê re û dayîna ava vexwarinê ji bo bajarê Hesekê û Til Temirê, tê payîn ku pirsgirêka avê ya ku bi salan e heye, çareser bibe.
Wezîrê Enerjiyê Mihemed Beşîr diyar kir ku weke destpêk wan 19 bîr li Stasyoma Elok vêxistin.
Mihemed Beşîr anî ziman ku gava bê ew ê hemû bîrên di stasyomê de aktîv bikin.
Her wiha di dawiyê de got ku armanca wan gihandina avê ji bo hemû xelkên bajarê Hesekê ye û wiha domand:
“Ev pêvajoya destpêkê wê avê bide 300 hezar kesî li Hesekê, gava duyem wê avê bighîne 500 hezar kesî.”
