Hêzên Ewlekariya Hundirîn a Bakur û Rojhilatê Sûriyê (Asayîş) hewldana revê ya çend jinên ji beşa biyaniyên malbatên DAIŞ'ê ya ji Kampa Holê têk bir.
Hevseroka Kampa Holê Cîhan Hanan got ku hewldana revê di saetên derengî, şeva çarşemê de pêk hat.
Cîhan Hanan diyar kir ku jinên ji malbatên DAIŞ`î sûd ji mijê ku dîtina li dora kampê kêm dikir wergirtin.
Henan anî ziman ku hejmara malbatên DAIŞ`î yên hewl dane birevin 18 kes in û di nav de zarok jî hebûn.
Li gorî daxuyaniyeke berê ya rêveberiya Kampa Holê hejmara biyaniyên ji malbatên çeteyên DAIŞ`ê yên li Kampa Holê 6,279 kes e û li ser 1,871 malbatan hatiye belavkirin.
© 2026 – NÛÇE TV Hemû maf parastî ne. Nûçe Rastî ye