Dan û standinên di navbera Til avîv û Beyrûtê de, bi navbeynkariya Waşingtonê pêk tên.
Artêşa Îsraîlê bi daxuyaniyekê wiha got:
"Drona ku ji aliyê Hizbulahê ve hatibû avêtin, li nêzîkî sînorê di navbera Îsraîl û Libnanê de, li ser axa Îsraîlê ket."
Artêşê da zanîn ku di encamê de sê Îsraîlî birîndar bûne.
Her wiha Artêşa Îsraîlê ev yek, wekî binpêkirineke eşkere ya peymana agirbestê bi nav kir.
Li aliyekî din, nivîsgeha medyayê ya Artêşa Îsraîlê, rêze-êrîşên nû yên asmanî li dijî hedefên Hizbulahê yên li başûrê Libnanê ragihand.
Daxuyaniya leşkerî destnîşan kir ku cihên hedefgirtî, tesîsên binesaziya leşkerî yên Hizbulahê yên li başûrê Libnanê ne.
