Rêxistina Parastina Herikîna Azad a Agahiyan ragihand ku rojnamevan û dezgehên medyayê yên Îranî di heyameke bêhempa ya zextên ewlehiyê, rûbirûbûna dadwerî û astengkirina çalakiyên xwe yên pîşeyî de dijîn.
Rêxistinê ev rewş wekî komkirina leşkerî li dijî herikîna azad a agahiyan bi nav kir.
Rêxistinê da zanîn ku tenê di sala 2025`an de, herî kêm 225 rojnamevan an dezgehên medyayê bi dadweriyê yan ewlehiyê re rû bi rû mane.
Li 25 rojnamevan an rêvebirên medyayê zêdetirî 30 salî cezayê girtîgehê hatiye birîn, tevî 293 milyon tûman cezayê pereyan.
Herî kêm 148 dozên nû yên qanûnî li dijî rojnamevanan û dezgehên medyayê hatine vekirin û heşt dezgehên medyayê hatine girtin.
© 2026 – NÛÇE TV Hemû maf parastî ne. Nûçe Rastî ye