هاوپەیمانیی چوارچێوەی هەماهەنگی بە ئامادەبوونی عەلی زەیدی، سەرۆکوەزیرانی عێراق کۆبووەوە و پشتیوانیی تەواوی خۆی بۆ هەنگاو و ڕێکارەکانی حکومەت لەپێناو پاراستنی سەروەری و سەلامەتیی خاکی عێراق دووپاتکردەوە.
بەگوێرەی ڕاگەیەندراوێکی چوارچێوەی هەماهەنگی، لە کۆبوونەوەکەدا دوایین گۆڕانکاری و پێشهاتە سیاسی، ئەمنی و ئابوورییەکانی عێراق و ناوچەکە و ئاستی نێودەوڵەتی تاوتوێ کران.
لە کۆبوونەوەکەدا عەلی زەیدی، سەرۆکوەزیرانی عێراق وردەکاریی جێبەجێکردنی پڕۆژەکانی حکومەتی خستەڕوو، بە تایبەتی پڕۆژەی نیشتەجێبوونی "دەستپێشخەریی نیشتمانی".
سەرکردەکانی چوارچێوەی هەماهەنگی جەختیان لە گرنگیی بەردەوامیی هەماهەنگیی نێوان دەسەڵاتی جێبەجێکردن و پەرلەمان کردەوە، بۆ خێراکردنی دەرچواندنی ئەو یاسایانەی پەیوەستن بە ژیانی ڕۆژانەی هاوڵاتییان، ڕێکخستنی کاری دامودەزگاکانی دەوڵەت و جێبەجێکردنی پڕۆژە خزمەتگوزارییەکان.