پۆلیسی ڕاپەڕین ڕایگەیاند، تۆمەتبارێکی دزیکردن لە دوای چوار ساڵ ڕاکردنی بۆ خوارووی عێراق، دەستگیرکرا.
لە ڕاگەیەنراوێکدا، بەڕێوەبەرایەتی پۆلیسی ڕاپەڕین دەڵێت، تۆمەتبارێک دوای چوار ساڵ لە دزیکردنی و ڕاکردنی بۆ خوارووی عێراق، سەر ئەنجام توانرا دەستگیربکرێت کە چەندین تاوانی دزی لەچوارقوڕنە و ڕانیە ئەنجامداوە.
دەشڵێن، تۆمەتبار لە ساڵی 2022 چوار مۆبایلی جۆری گالاکسی و نۆکیا، بڕی 300 دۆلاری ئەمریکی، زیاتر لە 70 هەزار دیناری عێراقی و یەک دەمانچەی دزیبوو دواتر بـــەرەو خـوارووی عـێــراق ڕایکردبوو.
ئاماژەبەوەشکراوە، دواتر تۆمەتبار لە 2026 گەڕایەوە بۆ ڕانیە و “دوو بوتڵى غاز” ـى دزی، کە بەهۆیەوە سەرجەم دۆسیە کۆنەکانی هەڵدرایەوە.
باسلەوەشکراوە، تۆمەتبار خەڵکى ناوەڕاست و خوارووى عێراقە و دانـی نا بەتاوانەکانیدا، بــەگوێرەی مــاددەی 443 و444 لە یــاســایــی ســزادانی عــێــراقــی لــێــکۆڵــیـنــەوە لەگەڵیدا بەردەوامە.