وەزیری دەرەوەی پاکستان ڕایگەیاند: وڵاتەکەی بەردەوامدەبێت لە هەوڵەکانی بۆ دانوستاندن و ئاشتی نێوان ئەمریکا و ئێران و هەربۆیە داوا لە هەردوو لایەن دەکەین بەهۆی ڕێککنەوتنیان ئاگربەستی دوو هەفتەیی پێشێل نەکەن.
محەمەد ئیسحاق دار وەزیری دەرەوەی پاکستان لە پۆستێکی تۆڕی ئێکس دا ڕایگەیاند: پێویستە لایەنەکان ڕۆحییەتی ئەرێنی دانوستاندنەکان ڕەچاو بکەن و ئامانجییان دروستکردنی خۆشگوزەرانی و ئاشتی لەسەرانسەری ناوچەکە بێت.
گوتیشی: زۆر گرنگە هەردوولا هیچ هێرشێک بۆ سەر یەکتر ئەنجامنەدەن و ئاماژەی بەوەکردووە پاکستان ڕۆڵی زیاتری دەبێت لە ئەنجامدانی گەڕێکی دیکەى دانوستاندنەکان لە ماوەی چەند هەفتەیەکی داهاتوودا.
پێشتر دۆناڵد ترەمپ ڕایگەیاندبوو: ئەمریکا خوازیاری ئەنجامدانی ڕێککەوتن نییە و هەرچۆنێک بێت ئەوان سەرکەوتنیان بەدەستهێناوە و هاوکات ئێرانیش ڕایگەیاندووە، هیچ بەرنامەیەکی ئەوتۆیان بۆ ئەنجامدانی خولێکی نوێی دانوستاندنەکان نییە.