وەزارەتەکە لە ڕاگەیەنراوێکدا دەڵێت، لە پێناو بەرژەوەندیی دۆخی دارایی هاوڵاتیان و خانەوادەی خوێندکاران، لەسەر بڕیاری وەزیری خوێندنی باڵا بڕیاردرا بە داشکاندنی کرێی خوێندن بەڕێژەی لە %20 سەرەڕای داشکاندنی پێشوو کە لە %45 بوو.
دەربارەی مەرجی داشکاندن ئاماژە بەوەکراوە، خوێندکار تاوەکو 3ـی ئازاری 2026 تەواوی قیستەکانی بدات ئەوا داشکاندنەکە دەیگرێتەوە.
هاوکات، ئەم بڕیارەی وەزارەتی خوێندنی باڵا و توێژینەوەی زانستی سەرجەم ئاستەکانی خوێندنی بەرایی (بەیانییان و ئێواران) و (دیبلۆمی باڵا، ماستەر، دکتۆرا) بۆ ساڵی خوێندنی 2025 بۆ 2026 زانکۆ حکومییەکان دەگرێتەوە.