لە هەشتەمین ساڵیادی داگیرکردنی عەفریندا، ئەمڕۆ لە کۆبانێ، سەدان کەس لە دانیشتووانی شارەکە و ئاوارەکانی عەفرین، ڕژانە سەر شەقامەکان و بە ڕێپێوانێکی جەماوەری، داگیرکارییەکانی تورکیایان شەرمەزار کرد.
بەشداربووان، بە بەرزکردنەوەی چڵە زەیتوون و وێنەی عەبدوڵا ئۆجەلان و دروشمی "بژی بەرخۆدانی عەفرین" درێژەیان بە ڕێپێوانەکە دا.
چالاکییەکە، لەژێر دروشمی "لە هەشتەمین ساڵوەگەڕدا داگیرکاری ئیدانە دەکەین و دەگەڕێینەوە بۆ عەفرینەکەمان" بەڕێوەچوو.
لە کۆتایی ڕێپێوانەکەدا، هاوسەرۆکی دەستەی ژینگەی کۆبانێ، گوتارێکی پێشکەش کرد و ئاماژەی بە قارەمانێتی گەلی عەفرین کرد، لە بەرانبەر هێرشە ئاسمانییەکانی تورکیا.