مەسعود پزیشکیان سەرۆککۆماری ئێران رایگەیاند، ئێران بە هیچ شێوەیەک نیازی دروستکردنی چەکی ئەتۆمی نییە، گوتیشی: پرسی دروستنەکردنی چەکی ئەتۆمی، لەسەر بنەمای ئایدۆلۆژی و ئاینی بەرهەم هاتووە، نەک بنەمای سیاسی.
پزیشکیان، لە درێژەی سەردانەکەیدا بۆ مازندەران گوتی، عەلی خامنەیی رێبەری باڵای ئێران فەتوای قەدەغەکردنی چەکی ئەتۆمی دەرکردووە، ئەمە پرسێکی نەگۆڕە و تاران هەرگیز بیر لە بەرهەمهێنانی ناکاتەوە، ئەمەش هەڵوێستێکی ئاینی جێگیرە و هەرگیز ناگۆڕدرێت.
لەبارەی خۆپیشاندانەکانیشەوە سەرۆککۆماری ئێران گوتی، ئەوانەی دەستیان لە سوتاندنی مزگەوتەکان و کوشتنی ئەندامانی هێزە ئەمنییەکان هەیە، خۆپیشاندەر نین، دوژمن دەیەوێت بەو جۆرە کارانە حکومەتی ئێران بڕوخێنێت.
لێدوانەکەی مه‌سعود پزیشكیان له‌كاتێكدایه، ئه‌مڕۆ گه‌ڕی سێیه‌می دانوستانە ئەتۆمییەکانی نێوان تاران و ئەمریکا به‌ڕێوه‌ده‌چێت، واشنتن بەردەوامە لە تۆمەتبارکردنی ئێران بە هەوڵدان بۆ بەدەستهێنانی چەکی ئەتۆمی، تارانیش بەردەوام ڕەتیدەکاتەوە.
مەسعود پزیشکیان: ئێران چەکی ئەتۆمی بەرهەم ناهێنێت
