کۆمەڵەی فیسا کە کار لەسەر مافی ژیانی منداڵان لە تورکیا دەکات ڕایگەیاند، لەساڵی 2025ـدا 892 منداڵ بەهۆی هۆکاری جۆراوجۆر لە ژیانیان لەدەستداوە.
کۆمەڵەی وۆرکشۆپی فیکر و هونەر "فیسا" کە لەبواری مافەکانی منداڵان لە تورکیا کار دەکات ڕاپۆرتی ساڵانەی خۆی بڵاوکردەوە و دەڵێت، لە کۆی ئەو 892 منداڵەی ساڵی ڕابردوو گیانیان لەدەستداوە 599 منداڵیان کوڕ و 251 منداڵیان کچن.
دەشڵێت، ئەو شارانەی زۆرترین حاڵەتی گیانلەدەستدانیان تێدا تۆمارکراوە بەم شێوەیەیە: ئورفا بە 74 حاڵەت، ئیستەنبوڵ 57 حاڵەت، بۆلو 40 حاڵەت، ئامەد و کۆنیا 38 حاڵەت.
لە ڕاپۆرتەکەدا هاتووە، لانیکەم 103 منداڵ بەهۆی ئەو ڕووداوانەی لە دامەزراوە گشتییەکاندا ڕوویانداوە و هاوکات بەهۆی کەمتەرخەمی دەسەڵاتە گشتییەکانەوە گیانیان لەدەستداوە.
ئەوەش هاتووە، تاکە هۆکاری گیانلەدەستدانی منداڵان کێشە کۆمەڵایەتییەکان نییە و پێویستە یاسای پێویست بۆ پاراستنی مافی ژیانی منداڵان لە تورکیا لەلایەن حکومەتەوە دەربکرێت.