ئێوارەی رۆژی شەممە، چەکدارێک لە نزیک سنوری ئەمنیی کۆشکی سپی لە واشنتن دەستی بە تەقەکردن کرد، بەڵام دەستبەجێ لەلایەن هێزە ئەمنییەکانەوە وەڵامی درایەوە و کوژرا.
لە کاتی رووداوەکەدا، دۆناڵد ترەمپ، سەرۆکی ئەمریکا لە ناو کۆشکی سپی بوو و خەریکی کارکردن بوو لەسەر رێککەوتنێک لەگەڵ ئێران، بەڵام هیچ زیانێکی پێ نەگەیشتووە و سەلامەتە.
ئەنتۆنی گوگلیێلمی، بەرپرسی پێوەندییەکانی دەزگای نهێنیی ئەمریکا (Secret Service) رایگەیاند، رووبەڕووبوونەوەکە کەمێک دوای کاژمێر 6:00ی ئێوارە بووە.
پیاوێک چەکێکی لە جانتاکەی دەرهێناوە و تەقەی کردووە، پۆلیسی دەزگەی نهێنیش تەقەیان لێکردووە و پێکاویانە و دواتر لە نەخۆشخانە گیانی لەدەستداوە. ل
بە گوێرەی زانیارییەکانی کۆشکی سپی، تەقەکەرەکە ناوی (نەسایەر بێست)ە و تەمەنی 21 ساڵە.
ئەمە یەکەمجار نەبووە کە ناوبراو کێشە دروست بکات، چونکە لە تەممووزی 2025ـیشدا هەوڵی دابوو بچێتە ناو کۆشکی سپی و بەهۆی کێشەی دەروونییەوە رەوانەی نەخۆشخانە کرابوو.
دوای رووداوەکەش کۆمارییەکان لە کۆنگرێس داوای کۆتایهێنان بە تووندوتیژیی سیاسی دەکەن و سوپاسی دەزگەی نهێنی دەکەن بۆ پاراستنی گیانی سەرۆک.