لە ڕووداوێکی هاتوچۆدا لە گەرمیان کەسێک گیانی لەدەستدا، پۆلیسی هاتوچۆش دەڵێت، لێكۆڵینەوە لە ڕووداوەکە دەکەن.
بەڕێوەبەرایەتی پۆلیسی هاتوچۆی گەرمیان بڵاویکردوە، لە ئەنجامی ڕووداوێکی هاتوچۆی جۆری پێکداداندا لەسەر ڕێگەی کەلار-کفری، کە لە نێوان دوو ئۆتۆمبێل و ماتۆڕسکیلێکی سێتایەییدا ڕویداوە، کەسێک گیانی لەدەستداوه.
ئاماژەی بەوەشداوە، ئەو کەسەی گیانی لەدەستداوە شۆفێری ماتۆڕسکیلەکەبووە، کە بە برینداری گەیەندراوەتە نەخۆشخانەی شەهید هەژار و دواتر بەهۆی سەختی برینەکەیەوە گیانی لەدەستداوە.
لەبارەی هۆکاری ڕووداوەکەشەوە پۆلیسی هاتوچۆی گەرمیان ڕایگەیاندوە، لەلایەن تیمی بەڕێوەبەرایەتیانەوە لێکۆڵینەوە دەستیپێکردووە بۆ زانینی هۆکار و چۆنییەتی ڕوودانی ڕووداوەکە.