دەوڵەت باخچەلی، سەرۆکی پارتی بزووتنەوەی نەتەوەیی (مەهەپە)، لەبارەی "یاسای چوارچێوە" ڕاگەیەندراوێکی نووسراوی بڵاو کردەوە و داوای کرد که یاساکە لە زووترین کاتدا و بێ هیچ بۆشاییەکی هەماهەنگی لە نێوان دەزگاکاندا بخرێتە بواری جێبەجێکردنەوەوە.
باخچەلی لە ڕاگەیەندراوەکەیدا جەختی لەوە کردەوە که کاتی بەفیڕۆدانیان نییە و دەبێت ڕووبەڕووی هەر جۆرە دەستکاری و تێکدانێک ببنەوە.
ناوبراو ئاماژەی بەوەش دا که ئەم یاسایە نابێت بە چاوی پێشوەختە و ناڕازییانە سەیر بکرێت، بەڵکو دەبێت لە بەرژەوەندیی دەوڵەتی کۆماری تورکیا و گەلی تورکەوە بخوێنرێتەوە، و دەبێت ڕێگری لە هەر هەوڵێک بكرێت کە ئەم هەلە مێژووییە قۆستنەوەی بۆ بکات.