سەرۆکی فراکسیۆنی ده‌مپارتی رایگەیاند، سەرەڕای گەرموگوڕیی باسەکان لە دەرەوەی پەرلەمان، بەڵام تا ئێستا لە ناو پەرلەماندا هیچ پڕۆژەیاسایەکی کۆنکرێتی و ڕوون بۆ چارەسەریی پرسی کورد لە ئارادا نییە.
سەزای تەمەلی سەرۆکی فراکسیۆنی پارتی یەکسانی و دیموکراسیی گەلان (دەم پارتی)، لە کۆنگرەیەکی ڕۆژنامەنووسیدا لە پەرلەمانی تورکیا، ڕەخنەی لە سستیی هەنگاوەکان لەبارەی چارەسەریی پرسی کورد گرت.
تەمەلی جەختی لەوەکردەوە، کارنامەی پەرلەمان لەگەڵ چاوەڕوانییەکانی کۆمەڵگە یەک ناگرێتەوە و گوتی، پێویستە کاری لەپێشینەی پەرلەمان دەرکردنی یاسایەکی تایبەت بێت، چونکە چاکسازی لە زۆر بواری دیکەدا بەندە بە دەرچوونی ئەم یاسایەوە.
گوتیشی، بەرەوپێشچوونی پرۆسەکە نابێ هەنگاوێک بۆ پێشەوە و دوو هەنگاو بۆ دواوە بێت، بەڵکو پێویستی بە پلانێکی ڕوون هەیە.