تۆم باراک، نێردەی تایبەتی سەرۆکی ئەمریکا بۆ کاروباری رۆژهەڵاتی ناوەڕاست، هێرشە ئاسمانییەکانی ئیسرائیلی بۆ سەر فڕۆکەخانەیەکی سەربازی لە پارێزگای ئیدلیب بە "پەرەسەندنێکی ناپێویست" ناوبرد کە هیچ خزمەتێک بە ئارامی و سەقامگیریی ناوچەکە ناکات.
باراک لە پۆستێکدا لە تۆڕی کۆمەڵایەتیی ئێکس نیگەرانیی قووڵی خۆی دەربڕی و ڕایگەیاند کە حکومەتی سوریا هیچ هەڵوێستێکی دوژمنکارانەیە و پشتگیری لە هیچ هێزێکی بریکار نەکردووە، بەڵکو چەندین جار ئارەزووی خۆی بۆ هێورکردنەوەی دۆخەکە و دەستپێکردنەوەی گفتوگۆکان نیشان داوە.
لەلای خۆیەوە، وەزارەتی دەرەوەی سووریا بە توندی سەرکۆنەی ئەو بۆردوومانانەی کرد و داوای لە کۆمەڵگەی نێودەوڵەتی و ئەنجوومەنی ئاسایشی نەتەوە یەکگرتووەکان کرد هەڵوێستێکی توند بەرامبەر بە پێشێلکارییەکانی سەروەریی خاکی وڵاتەکە بگرنەبەر.