دۆناڵد ترەمپ، سەرۆکی ئەمریکا لە لێدوانێکی نوێدا ڕایگەیاند کە پێی وانییە چیدیکە وڵاتەکەی پێویستی بە بوونی هێزی سەربازیی هەبێت لە عێراقدا. ترەمپ جەختی لەوە کردەوە کە پەیوەندییەکانی نێوان واشنتن و بەغدا چوونەتە قۆناغێکی پتەو و بەرفراوانەوە، بە جۆرێک کە ئێستا سەرنجەکان زیاتر لەسەر کەرتی ئابووری و وەبەرهێنانن.
سەرۆکی ئەمریکا ئاماژەی بەوەش کرد کە لە ئێستادا کۆمپانیاکانی بەرهەمهێنانی نەوتی ئەمریکی دەچنە ناو بازاڕەکانی عێراق و پڕۆژەی هاوبەش جێبەجێ دەکەن، ئەمەش گرنگیی دۆسیەی ئابووری نیشان دەدات لە داهاتووی پەیوەندییەکانیاندا. ترەمپ وتیشی: "پێویستمان بە بوونی سەربازی لە عێراق نابێت، بەڵام ئێمە ئێستا لەوێین بۆ پاراستنیان، هەرچەندە پێمان وانییە چیدیکە پێویست بەوە بکات."