بۆ رۆژی دووه‌م له‌سه‌ریه‌ك نرخی نه‌وت له بازاڕه‌كانی جیهاندا به‌رزبوه‌وه، ئێستا نرخه‌كه‌ی نزیكبووه‌ته‌وه له 70 دۆلار.
ئاڵۆزیی په‌یوه‌ندیه‌كانی نێوان ئێران و ئه‌مریكا له‌لایه‌ك هه‌ڕه‌شه‌ی جه‌نگ له‌سه‌ر ناوچه‌ی كه‌نداو به تایبه‌تیی و رۆژهه‌ڵاتی ناوڕاست به گشتیی له‌لایه‌كی دیكه، نرخی نه‌وتی برێنتی به‌رزكرده‌وه، ئه‌مڕۆ پێنجشه‌ممه له بۆرسه‌ی جیهانیدا به 69 دۆلارو 74 سه‌نت مامه‌ڵه‌ی پێوه‌كرا.
نرخی نه‌وتی ته‌كساسیش به‌رزبوه‌وه و به 65 دۆلار مامه‌ڵه‌ی پێوه‌كرا.
هه‌رچه‌نده سه‌رۆكی ئه‌مریكا ده‌ڵێت، تا ئێستا نه گه‌یشتونه‌ته رێككه‌وتن چۆن مامه‌ڵه له‌گه‌ڵ ئێران بكه‌ن، به‌ڵام بڕیاره رۆژی سێشه‌ممه‌ی داهاتوو كه‌شتیه‌كی فڕۆكه هه‌ڵگری تر ره‌وانه‌ی ناوچه‌ی كه‌نداو بكه‌ن.
به‌هۆی بارگرژییه‌كان، نرخی نه‌وت به‌رده‌وامه له به‌رزبونه‌وه
