پۆلیس و دارستانی ژینگه‌ی سلێمانی رایگه‌یاند، كه‌سێكیان ده‌ستگیركردووه لە سنوری گوندی قەمچوغەی کۆنی سەر بە شارۆچکەی دوکان 70 بنه‌داری به‌ڕووی بڕیوه‌ته‌وه.
بەڕێوەبەرایەتی پۆلیسی ژینگە و دارستانی سلێمانی بڵاویكرده‌وه، دوای ئەوەی ئاگادارکراونەتەوە لە ڕووداوێکی داربڕین، تیمەکانیان ڕۆیشتوونەتە شوێنی ڕووداوەکە و دەستییان بەسەر 70 بنەداری بەڕوودا گرتووە.
ئاماژەی به‌وه‌شكردووه، دارەکان تەمەنییان لەنێوان 10-20 ساڵاندا بووە و پارچە پارچەکراون و دواتر بەفەرمانی دادوەر دەست بەسەر دارەکاندا گیراوە.
باس له‌وه‌شده‌كه‌ن، دوای لیکۆڵینەوەو بەدواداچوون بۆ بکەری ئەم تاوانە توانیویانە بیدۆزنەوە و دەستگیری بکەن، لە ئێستاشدا دۆسییەکەی لە لێکۆڵینەوەدایە.
